काठमाडौं। अध्यागमन विभागले भिजिट भिसामा विदेश जान लागेका ९२ जनालाई काठमाडौंको त्रिभुवन विमानस्थलबाटै फर्काएको छ ।

विमानस्थल अध्यागमन कार्यालयले आवश्यक कागजात नपुगेका र भ्रमणको औचित्य खुलाउन नसकेका भन्दै उनिहरुलाई विमानस्थलबाट फर्काएको हो ।

सोमवार ८४ र मंगलवार ८ गरी ९२ जनालाई फर्काइएको विभागले जनाएको छ ।

उनीहरूमध्ये कतिपय भिजिट भिसाका नाममा रोजगारीका लागि विभिन्न देश जान लागेकोसमेत पाइएको छ ।