तनहुँ । तनहुँको भिमादमा जिप दुर्घटना हुँदा चालकसहित १२ जना घाइते भएका छन् ।

भिमाद नगरपालिका-५ आमडाँडा र सेर्काभञ्ज्याङबीचको वरघुम्तीमा पोखराबाट पाल्पाको रामपुर जाँदै गरेको ग १ ज ६३५६ नम्बरको जिप दुर्घटनामा परेको हो ।

तीमध्ये बढी घाइते भएका ३ जनाको थप उपचारका लागि पोखरा रिफर गरिएको छ ।

घाइतेहरूलाई भिमादस्थित सेतीगंगा सामुदायिक अस्पताल र पोखरा लगिएको इलाका प्रहरी कार्यालय भिमादले जनाएको छ ।

घुम्तीबाट करिब ३ सय मिटर तल जिप खसेको छ।  घटनाको थप विवरण आउन बाँकी छ ।