काठमाडौं । क्रिकेटर सन्दीप लामिछानेविरूद्धको मुद्दा न्यायाधीश शिशिरराज ढकालले हेर्दाहेर्दैमा राखेका छन्।

काठमाडौं जिल्ला अदालतमा अन्तिम बहसका लागि पेशी चढेको मुद्दामा बिहीबार लागि पेशी तोकिएको हो ।

गत आइतबारदेखि सन्दीपविरुद्धको मुद्दामा न्यायाधीश ढकालको इजलासमा निरन्तर सुनुवाइ भएको छ ।

बुधबार पनि सरकारी वकिल र पीडितका कानुन व्यवसायीहरुले बहस गरेका छन् । सन्दीपका कानून व्यवसायीको बहस र पीडित पक्षको जवाफी बहसपछि इजलासले निर्णय सुनाउनेछ ।

नाबालिग बलात्कार अभियोग लागेका लामिछानेविरूद्धको मुद्दामा पटकपटक पेशी सर्दै आएको छ।

अहिले भने अन्तिम सुनुवाइ भइरहेको हो। बहस सकिएपछि यस मुद्दाको फैसला आउनेछ।