तनहुँ । पृथ्वी राजमार्ग अन्तर्गत जिल्लाको आँबुखैरेनी गाउँपालिका ४ पावर हाउस नजिकै जिप दुर्घटना हुँदा चालक साहित ५ जना घाइते भएका छन्।

आँबुखैरेनीबाट मुग्लिङतर्फ जाँदै गरेको बा१७च ७९६० नम्बरको बोलेरो जीप सडकबाट करिव १५० मिटर तल खस्दा दुर्घटना भएको हो।

जिप दुर्घटनामा परी चालक कैलालीको धनगढी नगरपालिका-४ का २७ वर्षीय दयाराम राना, सुर्खेतको वीरेन्द्र नगरपालिका-६ का २८ वर्षीय थानेश्वर भट्टराई, सोही पालिका को ९ नम्बर वडामा बस्ने २८ वर्षीय निबस खत्री घाइते भएका छन्।

यसैगरी दार्चुलाको महाकाली नगरपालिका-५ बस्ने वर्ष २४ को राकेश भट्टको आँवुखैरेनी अस्पतालमा उपचार भइरहेको छ ।

यस्तै कैलाली गोदाबारी बस्ने वर्ष ३० को खगेन्द्रराज पनेरुलाई पुरानो मेडिकल कलेज भरतपुर चितवनमा उपचारका लागि पठाइएको जिल्ला प्रहरी कार्यालय तनहुँले जनाएको छ ।