बागलुङ । प्रहरीले सवारी ज्यान कसूर मुद्दाका फरार प्रतिवादी ११ वर्षपछि पक्राउ परेका छन् ।

पक्राउ पर्नेमा बागलुङको ढोरपाटन नगरपालिका–३ का ३४ वर्षीय बाबुराम दमाई रहेका छन् ।

बाबुरामलाई बागलुङ जिल्ला अदालतले सवारी ज्यान कसुर मुद्दामा २०६९ वैशाख ७ गते १ महिना १७ दिन कैद सजाय फैसला सुनाएको थियो ।

इलाका प्रहरी कार्यालय बुर्तिबाङ बागलुङबाट खटिएको टोलीले बाबुरामलाई पक्राउ गरी लगत कट्टाका लागि आइतबार बागलुङ जिल्ला अदालतमा पठाइएको जिल्ला प्रहरी कार्यालय बागलुङले जनाएको छ ।