Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
काठमाडौं । ललितपुर प्रहरीले चोरीमा संलग्न रहेको आरोपमा चार जनालाई पक्राउ गरेको छ ।
पक्राउ पर्नेमा ललितपुरको विनायक कोलनीमा बस्ने २३ वर्षको सविन रोक्का, काठमाडौंको नागार्जुन भीमढुङ्गाका २७ वर्षीय मनोज नेपाली, मकवानपुरको बागमती गाउँपालिकाका २० वर्षीय राजु भोलन र रामेछापको गोठ गाउँका ३९ वर्षीय उमेश श्रेष्ठ रहेका छन् ।
कार्तिक १२ गतेदेखि कार्तिक २१ गतेसम्मको अवधिमा ललितपुर महानगरपालिका–२५ मा पर्ने सैंबु आवास भैसेपाटीमा डा. फाहद आलमको घरमा चोरी भएको थियो । घरमा कोही नभएका बेला ढोकाको ताल्चा फोरेर अमेरिकी डलर, सुनको औँठी. म्याकबुक, ल्यापटपसहित चोरी भएको थियो ।
घोजतलासका क्रममा जिल्ला प्रहरी परिसर ललितपुरले पक्राउ गरेको हो । उनीहरूमध्ये दुई जनालाई प्रहरीले मतियार बनाएको छ । प्रहरीले चोरीको अमेरिकी डलर सटही गरेर कसुरदारलाई सहजीकरण गरिदिएको आरोपमा मनोज नेपाली र उमेश श्रेष्ठलाई मतियार बनाएको हो ।
मनोजले ६०० डलर र उमेशले १,५०० डलर साँटिदिएका थिए । मंसिर ८ गतेदेखि १२ गतेको बीचमा पक्राउ परेका उनीहरूलाई डाँका मुद्दामा ५ दिन म्याद थपी अनुसन्धान भइरहेको ललितपुर प्रहरीले जनाएको छ ।
© 2026 All right reserved to onlinenepal.com
Design & Developed By
