काठमाडौँ । भारतमा जारी आईसीसी एकदिवसीय विश्वकप क्रिकेटमा अफगानिस्तानले दक्षिण अफ्रिकालाई २४५ रनको लक्ष्य दिएको छ ।

अहमादाबाटस्थित नरेन्द्र मोदी स्टेडियममा टस जितेर पहिले ब्याटिङको निर्णय लिएको अफगानिस्तानले निर्धारित ओभरमा सबै विकेट गुमाएर दुई सय ४४ रन बनायो ।

अफगानिस्तानका लागि अजमतुल्लाह ओमरजाई अविजित ९७ रन बनाए ।

यस्तै रहमानुल्लाह गुरबाजले २५, इब्राहिम जदरानले १५, रहमत शाहले २६, हसमतुल्लाह साहिदीले दुई, ईक्रम अखिलले १२, मोहम्मद नाबीले दुई, रासिद खानले १४, नुर अहमदले २६ र मजिब उर रहमान आठ रन बनाए ।

यस्तै दक्षिण अफ्रिकाका बलर जेराल्ड गोट्जी एक्लैले चार विकेट लिए ।