डोटी । डोटीमा ट्याक्टर दुर्घटना हुँदा एक जनाको मृत्यु भएको छ भने १९ जना घाइते भएका छन् ।

बुधबार साँझ भिमदत्त राजमार्ग अन्तरगत जोरायल गाउँपालिका–१ घोरडीमा सुपप्र ०१००२ त ६७२३ नम्बरको ट्याक्टर दुर्घटना हुँदा १८ वर्षका सालिन राना मास्केमगरको मृत्यु भएको हो ।

जिल्ला प्रहरी कार्यालय डोटीका अनुसार ट्याक्टरमा २५ जना मजदुर सवार थिए ।

घाइते भएका १९ जना मध्ये ४ जनाको अवस्था गम्भीर रहेको बताइएको छ । गम्भीर घाइतेलाई उपचारका लागि धनगढी पठाइएको छ ।