काठमाडौं । भारतमा जारी एकदिवसीय विश्वकप क्रिकेटमा अष्ट्रेलियाले नेदरल्यान्ड्सलाई ३०९ रनले पराजित गरेको छ । यो विश्वकप इतिहासकै फराकिलो जित हो ।
अष्ट्रेलियाले दिएको ४०० रनको विशाल लक्ष्य पछ्याउने क्रममा नेदरल्यान्ड्स २१ ओभरमै अलआउट भयो ।
नेदरल्यान्ड्सले मात्र ९० रन बनायो । यसअघि टस जितेर पहिले ब्याटिङ गरेको अष्ट्रेलियाले निर्धारित ५० ओभरमा ८ विकेट गुमाएर ३९९ रन बनाएको थियो ।
अष्ट्रेलियाका म्याक्सवेलले ४० बलमा शतक बनाएर विश्वकप इतिहासको सबैभन्दा छिटो शतक बनाउने कीर्तिमान तोडेका छन् । उनले आज १ सय ६ रन बनाए ।
यसअघि यसै विश्वकपमा दक्षिण अफ्रिकाका एइडन मारक्रमले ४९ बलमा शतक बनाएका थिए । डेभिड वार्नरले १ सय ४ रन बनाए । वार्नर र स्टिभ स्मिथले तेस्रो विकेटका लागि १ सय ४२ रनको साझेदारी गरेका थिए ।
Leave a Reply