काठमाडौं । भारतमा जारी एकदिवसीय क्रिकेट विश्वकपमा दक्षिण अफ्रिकाले बंगलादेशलाई ३८३ रनको विशाल लक्ष्य दिएको छ ।

मुम्बईको वाङ्खडे रंगशालामा टस जितेर पहिले ब्याटिङ गरेको दक्षिण अफ्रिाकाले निर्धारित ५० ओभरमा ५ विकेटको क्षतिमा ३८२ रन बनाएको छ ।

दक्षिण अफ्रिकाका लागि क्लिन्टन डी ककले शतकीय पारी खेल्दै सर्वाधिक १७४ रन बनाए । यस्तै हेनरिच क्लासनले अर्धशतकसहित अविजित ९० रन जोडे ।

यसैगरी एइडेन मार्करमले अर्धशतकीय पारी खेल्दै ६० तथा डेभिड मिल्नरले अविजित ३४ रन बनाए ।

बंगलादेशका हसन महमुदले सर्वाधिक २ विकेट लिए । अहिले बंगलादेश ब्याटिङ गरिरहेको छ ।