काठमाडौं । प्रधानमन्त्री पुष्पकमल दाहाल ‘प्रचण्ड’ले मंगलबारबाट गैरआवासीय नेपालीहरूलाई नागरिकता वितरणको शुभारम्भ गर्दैछन् ।

प्रधानमन्त्री दाहालले प्रधानमन्त्री निवास बालुवाटारमा भोलि बिहान ७ बजे नागरिकता वितरण कार्यको शुभारम्भ गर्न लागेका हुन् ।

मंगलबारबाटै गैरआवासीय नेपाली संघ, अन्तर्राष्ट्रिय समन्वय परिषद् (एनआरएनए) को ११औँ विश्व सम्मेलन काठमाडौंमा सुरु हुँदैछ ।

सोही दिन पारेर सरकारले नागरिकता वितरण सुरु गर्न लागेको गर्ने प्रधानमन्त्रीको सचिावलयले जनाएको छ । यस्तै कत्तिक २ गते एनआरएनएको नयाँ नेतृत्व चयनका लागि निर्वाचन हुनेछ।

पहिलोपटक ‘फेसियल भेरिफिकेशन’ मार्फत अनलाइन भोटिङ गर्न लागिएको निर्वाचनमा ५९ देशका चार हजार दुई सय २७ जना महाधिवेशन प्रतिनिधिले भाग लिनेछन्।