काठमाडौं । भारतमा जारी आईसीसी एकदिवसीय विश्वकप क्रिकेटमा आज नेदरल्याण्ड्स र न्यूजिल्याण्ड भिड्दैछन् ।

दुवै टोली आज आफ्नो दोस्रो खेलका लागि मैदान उत्रिन लागेका हुन् । यी दुई टोलीबीचको खेल दिउँसो सवा २ बजे हैदराबादमा हुनेछ ।

न्यूजिल्याण्ड आज लगातार दोस्रो जित निकाल्ने लक्ष्यमा रहँदा नेदरल्याण्ड्स भने पहिलो जितको खोजीमा हुनेछ।

न्यूजिल्याण्डले उद्घाटन खेलमा इङ्ल्याण्डविरुद्ध ९ विकेटको सानदार जित निकालेको थियो । नेदरल्याण्ड भने पहिलो खेलमा पाकिस्तानसँग ८१ रनले पराजित भएको थियो।