अनलाइन नेपाल
काठमाडौं । राष्ट्रिय स्वतन्त्र पार्टीले इजरायलमा रहेका नेपाली नागरिकको सुरक्षाको सुनिश्चितता गर्न सरकारसँग माग गरेको छ ।
हमास र इजरायलबीचको जारी संघर्षमा शनिबार इजरायलमा रहेका ९ जना नेपाली घाइते भएपछि रास्वपाले उक्त माग गरेको हो ।
“इजरायलमा रोजगारी र अध्ययनको सिलसिलामा बसोबास गरिरहेका हजारौं नेपाली दाजुभाइ तथा दिदीबहिनीहरूको सुरक्षा अवस्थाबारे हामी अत्यन्तै चिन्तित छौं,” रास्वपाले विज्ञप्तिमा भनेको छ, “परराष्ट्र मन्त्रालय र इजरायलस्थित नेपाली दूतावास इजरायलमा रहेका नेपाली नागरिकहरुसँग सक्रिय सम्पर्क गरी उनीहरुको सुरक्षाको सुनिश्चितता र मानवीय हितको प्रत्याभूति गर्न हामी आग्रह गर्दछौँ ।”
इजरायलमा शनिबार बिहान भएको आतंककारी आक्रमणबाट अत्यन्तै दुःखी भएको रास्वपाले जनाएको छ । रास्वपाले इजरायलमाथि हमासले गरेको हमलाको घोर भर्त्सना गरेको छ ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply