बारा । बाराबाट काठमाडौं जादैँ गरेको गाडी दुर्घटना हुँदा ८ जना घाइते भएका छन् ।  जितपुर सिमरा उपमहानगरपालिका-२१ पूर्वपश्चिम लोकमार्ग सडकखण्ड अमलेखगंजमा गाडी दुर्घटना भएको हो ।

निजगढबाट काठमाडौं जादैँ गरेको ना १ ज ३८४७ नम्बरको गाडीको ब्रेक फेल भएर दुर्घटनामा परेको प्रहरीले जनाएको छ।

सुमो चालक निजगढ नगरपालिका ९ बस्ने ३७ वर्षीय दिलबहादुर मगरलाई प्रहरीले नियन्त्रणमा लिएको छ।

घाइते हुनेमा निजगढ-८ का २० वर्षीय विकासकुमार चौधरी, ६४ वर्षीय नेथुलाल चौधरी, उनकी ६३ वर्षीया श्रीमती सजियादेवि चौधरी, १७ वर्षीय आदित्य भण्डारी, ३० वर्षीया सुमित्रा पौडेल र उनका ८ वर्षीय छोरा सारान्स न्यौपाने रहेका छन्।

यस्तै जितपुर सिमरा उपमहानगर-१६ पुलिवा बस्ने ३१ वर्षीय आरती तामाङ र सिन्धुली दुधौली नगर-९ का ७ वर्षीय किसान पोखरेल घाइते छन्। उनीहरूको एलएसन्युरो अस्पतालमा उपचार भइरहेको जिल्ला प्रहरी कार्यालय बाराले जनाएको छ ।