काठमाडौं । श्रम गन्तव्य सुरक्षित बनाउने र मानव तस्करी रोक्ने पहलस्वरूप प्रधानमन्त्री पुष्पकमल दाहाल ‘प्रचण्डले’ले श्रम गन्तव्य देशका राजदूत र नियोग प्रमुखलाई काठमाडौं बोलाएका छन् ।

प्रधानमन्त्री दाहालले विदेशस्थित नेपाली दतावास तथा कूटनीतिक नियोगका प्रतिनिधिलाई काठमाडौं बोलाई दुई दिवसीय बैठक आयोजना गर्न लागेका हुन्। बैठकको अध्यक्षता स्वयं प्रधानमन्त्रीले गर्नेछन्।

बैठक प्रधानमन्त्रीको कार्यालय सिंहदरबारमा सोमबार बिहान ९ बजे शुरु हुने बताइएको छ । विभिन्न माध्यम र रूपमा भइरहेको मानव तस्करीलाई कसरी रोक्ने र श्रम गन्तव्यलाई कसरी सुरक्षित बनाउने भन्नेमा छलफल केन्द्रित हुनेछ।

बैठकमा श्रम आप्रवासनका सवाल र कुटनैतिक नियोगको भूमिकाका विषयमा बैठकमा छलफल हुने छ । छलफलमा श्रम तथा रोजगार मन्त्रालय र परराष्ट्र मन्त्रालयका प्रतिनिधि पनि सहभागी हुने बताइएको छ ।