झापा । नेपाली कांग्रेसका महामन्त्री गगन थापाले बदलिएको कांग्रेसले मात्र देश बदल्ने सामथ्र्य राख्ने बताएका छन् ।

नेपाली कांग्रेस मेचीनगर समितिको शनिबार धुलाबारीमा आयोजित नगर सम्मेलनमा बोल्दै उनले यस्तो बताएका हुन् ।

उनले जनतामा ठूलो छट्पटी र आक्रोश बढिरहेको हुँदा बदलिएको कांग्रेसले मात्र देश बदल्ने सामथ्र्य राख्ने बताए ।

सबैजसो राजनीतिक दलको नेतृत्वले गलत क्रियाकलाप गर्दा समाजले आत्मविश्वास गुमाएको जनाउँदै कांग्रेसले अब जरैदेखि रुपान्तरित भएर गुमेको आत्मविश्वास फर्काउनुपर्ने उनको भनाई छ ।