काठमाडौं । राष्ट्रिय स्वतन्त्र पार्टीका सभापति रवि लामिछानेले उद्योग व्यवसायीलाई सरकारले अपराधीको जस्तो व्यवहार गर्न नहुने बताएका छन् ।

बुधवार काठमाडौंमा आयोजना भएको निजी क्षेत्रको आवाज विषयक वृहत छलफल कार्यक्रममा बोल्दै सांसदसमेत रहेका लामिछानेले यस्तो बताएका हुन् ।

उनले उद्योग व्यवसाय गरेर पैसा कमाउनेलाई सरकारले अपराधीजस्तो व्यवहार गर्न नहुने बताए । संविधानले नगर भनेको कुरालाई लिएर व्यवसायीहरुलाई अपमानित गर्ने र उनीहरुलाई निरुत्साहित गर्ने काम नगर्न यनले आग्रह गरे ।

राज्यले मुलुकभित्रै निजी क्षेत्रलाई व्यावसायिक वातावरण भए मात्र देश समृद्ध हुने उनको भनाई छ ।