काठमाडौं । नेकपा एमालेका सांसद गोकुल बास्कोटाले सरकारले २३ क्विन्टल सुन तस्करी गरेको आरोप लगाएका छन् । बुधबार प्रतिनिधिसभाको बैठकमा बोल्दै उनले यस्तो आरोप लगाएका हुन् ।

उनले २३ क्विन्टल सुन रातारात बाहिर पठाएर १ क्विन्टल समातिएको र त्यो पनि नापतौल गर्दा ६० किलो भएको बताए ।

उनले भने ‘हामीले कसैको कुर्सी हल्लाउन चाहेका थिएनौँ। देशप्रतिको जवाफदेहिता खोजेका थियौँ। ढिलै भए पनि एउटा सहमतिमा पुग्यौँ। आशाको त्यान्द्रो पलायो। खुसी प्रकट गर्न चाहन्छु।

तर भयो कस्तो भन्दा आउन त आयौ तिमी रंगमञ्च उठेपछि आयौ… त्यस्तो भयो। किनभने यसबीचमा हामीले प्राप्त गरेका सूचना अनुसार करिब २३ क्विन्टल सुन रातारात बाहिर पठाइयो। तर एक क्विन्टल सुन समातियो र ६० किलो भयो नापतौल जोख्दा। यो फगत नौटंकी हो वा खास कारणले समातियो, यसको पनि पर्दा खुल्दै जाला।”