चितवन । मुग्लिनको पुलमा झुन्डिएका एक व्यक्तिको सशस्त्र प्रहरी बलले सकुशल उद्धार गरेको छ।

शनिवार बिहान चितवन र तनहुँ जोड्ने मुग्लिन पुलमा झुन्डिएका धादिङ निलकण्ठ नगरपालिका ६ का ४५ वर्षीय कृष्ण परियारलाई एपीएफले सकुशल उद्धार गरेको हो ।

उनी पुलबाट त्रिशुली नदीमा हामफाल्नको लागि झुन्डिएको खबर प्राप्त भएपश्चात् एपीएफको विपद् व्यवस्थापन तालिम शिक्षालय कुरिनटारबाट खटिएको टोलीले उनको उद्धार गरेको थियो ।

रोप रेस्क्यु विधिबाट उनलाई जिवितै उद्धार गरी उपचारको लागि मुग्लिन हाइवे अस्पतालमा पठाइएको छ ।