काठमाडौं । प्रधानमन्त्री पुष्पकमल दाहाल ‘प्रचण्ड’ले सदन चलाउने विषयमा प्रमुख प्रतिपक्षी दल नेकपा एमालेसँग कुरा नमिलेको बताएका छन् ।

सोमबार संघीय संसद् भवनबाहिर सञ्चारकर्मीसँग कुराकानी गर्दै प्रधानमन्त्री प्रचण्डले यस्तो बताएका हुन् । उनले समस्या समाधान गर्न आफू लागिरहेको बताए ।

‘कुरो मिलिसकेको चाहीँ छैन। सदन चलाउनुपर्छ, कुनै हालतमा रोकिनुहुँदैन भनेर सत्तापक्ष र प्रतिपक्षीले भनिराखेकै स्थिति छ । तरपनि कुरा मिलिसकेको छैन। अहिले कहाँ मिलेको छैन भनेर अहिले भन्दा झन् गाह्रो हुन्छ,’ प्रधानमन्त्री प्रचण्डले भने ।

उनले आफू समस्या समाधानका लागि लागिरहेको भन्दै मंगलबार बिहान साढे १० बजे बालुवाटारमा बैठक बोलाइएको जानकारी दिए।