Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बारा । बाराको जीतपुरसिमरा-१६ टांगियाबस्तीमा प्रहरी र स्थानीयबीच झडप भएको छ ।
घरमा हतियार राखेको सूचना पाएपछि निजगढस्थित इलाका प्रहरी कार्यालयको टोलीले सागर लामालाई नियन्त्रणमा लिन खोज्दा झडप भएको हो ।
प्रहरी टोलीले हतियारसहित लामालाई नियन्त्रणमा लिएर लैजान लाग्दा स्थानीयले घेरा हालेर प्रहरीमाथि ढुंगा प्रहार गरेका थिए । सयौंको संख्यामा रहेका स्थानीयले आक्रमण गर्न थालेपछि प्रहरीले पाँच राउण्ड हवाई फायर समेत गरेको थियो ।
स्थानीयले प्रहरीमाथि ढुंगा प्रहार गर्न थालेपछि पक्राउ परेका लामा हतकडीसहित फरार भएका छन् । प्रहरीलाई बाटोमा घेरा हालेर स्थानीयले ढुंगा प्रहार गर्न थालेपछि लामा हतकडीसहित फरार भएको बारा प्रहरीले जनाएको छ ।
स्थानीयसँग झडप हुँदा इलाका प्रहरी कार्यालयमा कार्यरत बरिष्ठ प्रहरी नायब निरीक्षक कलमबहादुर शाही र प्रहरी सहायक निरीक्षक बलराम गिरी सामान्य घाइते भएका छन् ।
उनीहरुको शरीरमा चोट लागेको छ भने पोशाक च्यातिएको छ । प्रहरीले लामाको घरबाट गोली भरिएको भरुवा बन्दुकसहित बाघको दाँत,रौं,नंग्रा जस्तो देखिने वस्तु बरामद गरेको छ ।
© 2026 All right reserved to onlinenepal.com
Design & Developed By
