एजेन्सी । भारतको महाराष्ट्रको ठाणेमा पुल निर्माणको क्रममा ग्रिडर लन्चिङ मेसिन खस्दा १६ मजदुरको मृत्यु भएको छ ।

समृद्धि एक्सप्रेस राजमार्गमा सोमबार राति भएको दुर्घटनामा १६ मजदुरको मृत्यु भएको हो भने तीन जना घाइते भएका छन् ।

मिडिया रिपोर्टका अनुसार ग्रिडर मेसिन १०० फिटको उचाइबाट खसेको थियो । मृतकको संख्या बढ्न सक्ने बताइएको छ ।

अहिले पनि धेरै मजदुर त्यही पुरिएको हुन सक्ने आशंका गरिएको छ। उद्धार कार्य जारी रहेको बताइएको छ ।