काठमाडौं । ठगी गर्ने सहकारीलाई कारबहीको माग गर्दै कलाकार बसुन्धारा भुसाल र चैत्यदेवी माइतीघर धर्ना दिन पुगेका छन् ।

सिभिल सहकारीले आफूहरुसहित १४ जनाको २ करोड ६० लाख रुपैयाँ बचत फिर्ता नगरेको भन्दै उनीहरु धर्ना दिन पुगेका हुन् ।

सहकारी पीडितले ६१ दिनदेखि माइतीघरमा जारी रहेको धर्नामा नेपाली फिल्मका दुई वरिष्ठ अभिनेत्रीहरु पनि सोमबार सहभागी भएका छन् ।

चैत्यदेवी र बसुन्धराका आफन्त र परिवारको १४ जना सदस्यले जम्मा गरेको दुई करोड ६० लाख रुपैयाँ फसेको बताएका छन् ।