अछाम । अछाममाको पन्चदेवल नगरपालिका ४ कालिकास्थान भन्ने ठाउँमा मलामी बोकेको ट्याक्टर दुर्घटना हुँदा एकजनाको मृत्यु भएको छ ।

सोही दुर्घटनामा परेर २३ जना घाइते भएका छन् ।

पन्चदेवल नगरपालिका ४ कै ६० वर्षीय जहरी कामीको शव लिएर घाटतर्फ जाँदै गर्दा भे १ त ६७५६ नम्बरको ट्याक्टर दुर्घटनामा परेको थियो ।

दुर्घटनामा परी सोही ठाउँका २२ वर्षीय बृख बिकको घटनास्थलमै मृत्यु भएको सुदूरपश्चिम प्रदेश ट्राफिक प्रहरी कार्यालय अत्तरियाले जनाएको छ ।

ट्रयाक्टर दुर्घटनामा घाइते भएका २३ मध्ये ४ को अवस्था गम्भिर रहेको छ भने १९ जनाको अवस्था सामान्य रहेको प्रहरीले जनाएको छ ।