काठमाडौं । नेपालमा पछिल्लो समय डेंगु संक्रमितको संख्या बढीरहेको छ।

ईपीडीमीयोलीजो तथा रोग नियन्त्रण महाशाखाको आँकडा अनुसार देशभर डेंगु बिरामीको संख्या ३ हजार भन्दा बढी रहेको छ ।

महाशाखाले दुई साताअघि पत्रकार सम्मेलनमार्फत ११ सय ९२ जना डेंगीको बिरामी पुष्टि भएको जनाएको थियो ।  गत दुई साताको अवधिमा डेंगु संक्रमित बिरामीको संख्या थपिएर ३ हजार नाघेको हो ।

महाशाखाका अनुसार सबैभन्दा बढी डेंगुका बिरामी सुनसरी जिल्लामा पुष्टि भएको छ । सुनसरीमा १५ सय ७१ जना संक्रमित रहेको महाशाखाको भनाइ छ ।

यस्तै, धादिङमा २५८, दार्चुलामा १८८, कास्कीमा १४९, संखुवासभामा ५८, काठमाडौंमा ४६, कञ्चनपुरमा ३९ भक्तपुरमा ३५, म्याग्दीमा ३२, र झापामा ३२ जना जना संक्रमित भएका छन् ।