काठमाडौं । नेपालमा डेंगु संक्रमितको संख्या तीन हजार नजिक पुगेको छ ।

इपिडिमियोलोजी तथा रोग नियन्त्रण महशाखाको तथ्यांक अनुसार जनवरीयता जुलाई १५ सम्म संक्रमितको संख्या दुई हजार ९३० पुगेको हो ।

यो अवधिमा ६६ जिल्लामा फैलिएको डेंगुबाट सबैभन्दा बढी सुनसरीमा एक हजार ५७१ जना संक्रमित भएका छन् ।

त्यस्तै, धादिङ, दार्चुला र कास्कीमा संक्रमितको संख्या १०० भन्दा माथि छ । काठमाडौं उपत्यकाका तीन जिल्लामा गरी १०७ जना संक्रमित भएका छन् ।

सन् २०२२ मा नेपालमा हालसम्मकै सबैभन्दा धेरै ५४ हजार ७७४ जनामा डेंगु देखिएको थियो । सो समयमा डेंगुका कारण ८८ जनाको मृत्यु भएको थियो ।