दोलखा । दोलखाको गौरीशंकर गाउँपालिकाका उपाध्यक्ष श्यामसुन्दर तामाङको निधन भएको छ।

५५ वर्षीय तामाङको हृदयाघातका कारण गंगालाल हृदय केन्द्रमा आइतबार निधन भएको हो ।

तीन दिनअघि स्वास्थ्यमा समस्या आएपछि उनलाई अस्पताल लगिएको थियो।

कांग्रेस गौरीशंकर गाउँपालिकाको सभापतिसमेत रहेका तामाङ ०७९ को स्थानीय निर्वाचनमा कांग्रेसको तर्फबाट गाउँपालिका उपाध्यक्ष पदमा निर्वाचित भएका थिए।