Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
काठमाडौं । अख्तियार दुरुपयोग अनुसन्धान आयोगको टोलीले सेवाग्राहीसँग घुस लिंदा लिंदै गाउँपालिकाका लेखापाल र इन्जिनियरसहित तीन जनालाई पक्राउ गरेको छ ।
अख्तियारको टोलीले रुपेन्देही टोटहीमाई गाउँपालिका इन्जिनियर अरविन्द कुमार यादवलाई ४५ हजार तथा महोत्तरीको साम्सी गाउँपालिकाका लेखापाल रोशनकुमार राउत र कार्यालय सहयोगी घरिन यादवलाई १ लाख २५ हजार घुस रकमसहित पक्राउ गरेको हो ।
टोटहीमाई गाउँपालिका वडा नं. ७ मा पर्ने सडकको ग्राभेल र पीसीसी गर्ने कार्यको नापजाँचपछि भुक्तानी गर्ने प्रयोजनको लागि इन्जिनियर यादवले सेवाग्राही घुस मागेको अख्तियारले जनाएको छ ।
आयोगको बुटवल कार्यालयको टोलीले इन्जिनियर यादवलाई ४५ हजार घुस रकमसहित रंगेहात पक्राउ गरेको हो ।
त्यसैगरी आयोगको बर्दिबास कार्यालयबाट खटिएको टोलीले साम्सी गाउँपालिकाका लेखापाल रोशनकुमार राउत र कार्यालय सहयोगी घरिन यादवलाई पक्राउ गरेको हो ।
कोभीड–१९ सम्बन्धी जनचेतनामूलक कार्यको भुक्तानी गर्ने क्रममा सेवाग्राहीसँग १ लाख २५ हजार घुस लिइरहेको अवस्थामा आयोगको टोलीले लेखापाल राउतको कार्यकक्षबाटै दुबै जनालाई पक्राउ गरेको हो ।
© 2026 All right reserved to onlinenepal.com
Design & Developed By
