चितवन । पहिरोले अवरूद्ध नारायणगढ-मुग्लिन सडक पुनः सञ्चालनमा आएको छ ।

गएराति २ बजे पहिरो खसेपछि अवरूद्ध भएको सडक अहिले दुईतर्फी नै सञ्चालनमा आएको हो ।

चितवनको इच्छाकामना गाउँपालिका–५ स्थित तीन नम्बर पुलमा गएराति २ बजे पहिरो खसेपछि सडक अवरूद्ध भएको थियो ।

जिल्ला ट्राफिक प्रहरी कार्यालय चितवनका अनुसार बिहान ६ बजेदेखि पहिरो पन्छाउन थालिएको थियो । पहिरोमा परी एउटा ट्रक पनि पल्टिएको थियो ।

उक्त ट्रकलाई सडक किनारामा राखिएको र सवारी आवागमन दुईतर्फी नै सञ्चालन गरिएको ट्राफिक प्रहरी कार्यालय चितवनले जनाएको छ ।