कैलाली । कैलाली जिल्ला कारागारमा छोरा भेट्न गएकी महिला पक्राउ परेकी छन् ।

जिल्लाको धनगढी उपमहानगरपालिका-१ मा रहेको कारागारमा लागुऔषधसहित धनगढी-३ मिलन चोककी ५० वर्षीय कमलादेवी अवस्थी पक्राउ परेकी हुन् ।

जिल्ला प्रहरी कार्यालय कैलालीका अनुसार लागुऔषधमा कारागार चलान भएका २१ वर्षीय ओमप्रकाश अवस्थीलाई भेट्न गएकी कमलादेवीको साथबाट लागुऔषध खैरो हिरोइन ५४० मिलिग्राम बरामद गरिएको छ ।

उनले छोराका लागि ल्याएको बिस्कुटभित्र ५४० मिलिग्राम लागुऔषध भेटिएको बताइएको छ ।