Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
भैरहवा । नेपाल आयल निगमको इन्धन (डिजेल) ट्यांकरबाट चोरी गर्दागर्दै प्रहरीले दुई जनालाई पक्राउ गरेको छ।
पक्राउ पर्नेमा भारतको महाराजगंज जिल्ला नौतनवाका २८ वर्षीय मोहम्मद महिम र सहचालक सोही स्थानका २२ वर्षीय रविन्द्र गौतम रहेका छन् ।
भारतबाट आयात गरिएको इन्धन चोरी गरिएको लु २ ख ७३७ नम्बरको ट्यांकर पनि प्रहरीले नियन्त्रणमा लिएको छ।
रुपन्देहीको ओमसतिया गाउँपालिका-२ तेनुहवास्थित यादव आयल फिलिङ सेन्टरको पछाडि खाली चौरमा ट्यांकरबाट आयल निगमको इन्धन चोरी गरिरहेको अवस्थामा वडा प्रहरी कार्यालय भैरहवाले आरोपीहरू र ट्यांकर नियन्त्रणमा लिएको थियो ।
उनीहरु ट्यांकरको च्याम्बरमा लगाइएको सिल लिभर, जग लगायतको साम्रगी सहायताले तोडेर इन्धन चोरी गरिहेका थिए । चोरीका लागि प्रयोग भएका तीन वटा खाली बाल्टिन, दुई वटा ग्यालेन, प्लाष्टिकको पाइप, सोली, लिभर, जग लगायतका साम्रगी बरामद गरिएको जिल्ला प्रहरी कार्यालय रुपन्देहीले जनाएको छ ।
ट्यांकरबाट चोरी गरिएको करिब एक सय लिटर डिजेल पनि दुई वटा ग्यालेनमा बरामद भएको छ। घटनाका विषयमा थप अनुसन्धान भइरहेको जिल्ला प्रहरी कार्यालय रुपन्देहीले जनाएको छ।
© 2026 All right reserved to onlinenepal.com
Design & Developed By
