Online Nepal
  • बुधबार, ९ साउन २०८१
  • सहकारी व्यवस्थापकलाई ५९ लाख तिर्न अदालतको आदेश

    सहकारी व्यवस्थापकलाई ५९ लाख तिर्न अदालतको आदेश

    अनलाइन नेपाल
  • बुधबार, २४ जेष्ठ २०८०
  • 798
    SHARES

    फाइल तस्विर

    धादिङ । जिल्ला अदालत धादिङले एक सहकारीका व्यवस्थापकले ५९ लाख तिर्नुपर्ने फैसला सुनाएको छ।

    साना किसान कृषि सहकारी संस्था सुनौला बजारकी प्रबन्धक लीलादेवी पोखरेल अधिकारीविरुद्ध २०७८ असार ३० गते दर्ता भएको मुद्दामा यो फैसला सुनाएको हो।



    अधिकारीविरुद्ध २०६९ देखि सहकारीको हिसाब मलान नभएको र सहकारी घाटामा गएको देखाएर शेयर सदस्यबाट लिएको रकम हिनामिना भएको भन्दै मुद्दा कृष्णबहादुर श्रेष्ठसमेत १३ जनाले सहकारीका प्रबन्धक लिलादेवी पोखरेल अधिकारीविरुद्ध दर्ता गरेका थिए।



    २१ पटकको पेशीपछि जिल्ला अदालतका न्यायाधीश स्वीकृति पराजुलीको एकल इजलासले मंगलबार मुद्दाको फैसला गर्दै सहकारीमा कबुल गरेको ५९ लाख २७ हजार सहकारीमा तिर्नका लागि फैसला सुनाएको श्रेस्तेदार खुम भण्डारीले जानकारी दिए।

    सहकारीले साना किसान विकास बैंकको सहयोगमा हिसाब गरी सावा र ब्याजसहित तिर्नका लागि मुद्दा दिएको थियो । सो रकम तिर्नका लागि फैसलामा माग दाबीबमोजिम आंशिक दाबी पुग्ने भन्दै फैसला भएपछि किसानको रकम जोगिएको सहकारीका सदस्य नरबहादुर भण्डारीले बताए।

    सहकारीका व्यवस्थापकले साना किसान विकास बैंकमा हिसाब बुझाउने गर्दा समस्या देखिएपछि सञ्चालक समितिसमेत बसेर जिल्ला अदालतमा मुद्दा सुरु हुनुअघि हिसाब जाँच गरिएको र हिनामिना भएको रकम फिर्ता गर्न अनुरोध गरिए पनि रकम फिर्ता नगरेपछि मुद्दा दायर गरिएको भण्डारीको भनाइ छ ।

    यसअघि अधिकारीले लेखा समितिका अध्यक्ष दीपक श्रेष्ठसमेत १० जनाविरुद्ध अपराधिक बल प्रयोगबाट गरिएको करकापको लिखत बदर गरी सजाय गरी पाऊँ भनी जिल्ला अदालतमा २०७७ फागुन ४ गते मुद्दा दर्ता गराएकी थिइन्।

    यसैगरी २०७७ फागुन १० गते हिसाब जाँच गरी दायित्व बहन गराइ पाऊँ भनी जिल्ला अदालतमा अधिकारीले मुद्दा दर्ता गराएकोमा जिल्ला न्यायाधीश पराजुलीको २०८० जेठ १८ गतेको एकल इजलासले दाबी नपुग्ने ठहर गरेको छ ।

    सुनौला बजार साना किसान कृषि सहकारी संस्थाले सहकारीका व्यवस्थापक अधिकारीलाई २०७७ मै निलम्बन गरेको थियो। शेयर सदस्यको रकम भएकाले व्यवस्थापकले रकम उपलब्ध गराएपछि शेयर सदस्य किसानको मागबमोजिमको आवश्यकतामा आधारित कृषि ऋण उपलब्ध गराउन सकिने सहकारीले जानकारी दिएको छ। रासस

    सम्बन्धित विषय
    प्रतिक्रिया

    Leave a Reply

    Your email address will not be published. Required fields are marked *

    नयाँ अपडेट
    अन्य समाचार