काठमाडौं । भारतको चार दिने भ्रमणमा रहेका प्रधानमन्त्री पुष्पकमल दाहाल ‘प्रचण्ड’लाई त्यहाँका सुरक्षा सल्लाहकार अजित डोभल भेटका लागि पुगेका छन् ।

प्रधानमन्त्री दाहाल बसेको होटल मौर्यमा डोभाल र भारतीय विदेश सचिव विनयमोहन क्वात्रा भेटका लागि पुगेका हुन् ।

डोभालको साथमा भारतीय विदेश सचिव विनयमोहन क्वात्रा थिए भने प्रचण्डसँग उनकी छोरी गंगा दाहाल थिइन् ।

सुरक्षा सल्लाहकार डोभाललाई प्रधानमन्त्री नरेन्द्र मोदीको विश्वासपात्र र दाहिने हातको रूपमा चर्चा गर्ने गरिन्छ । नेपाल मामिलामा समेत उनले चासो राख्ने गरेका छन् । मोदीसँगको भेटअघि नै प्रचण्डसँग डोभालले कुराकानी गरेका छन् ।