काठमाडौं । नेकपा एमालेका नेताहरूलाई प्रधानमन्त्री पुष्पकमल दाहाल ‘प्रचण्ड’ले बालुवाटार बोलाएका छन् । सदन अवरोध हटाउनेबारे छलफल गर्न बिहान साढे ८ बजे बालुवाटार बोलाइएको हो ।

पशुपतिको जलहरीबारे माओवादीका सांसद लेखनाथ दाहालको अभिव्यक्तिको विरोधमा एमालेले शुक्रबार सदन अवरूद्ध गरेको थियो ।

एमालेले जलहरी पित्तल हो कि सुन हो भन्नेबारे सरकारले सदनलाई जानकारी गराउनुपर्ने र सत्तापक्षले माफी माग्नुपर्न माग राखेका छन् ।

संघीय संसद सचिवालयका अनुसार संघीय संसद भवन नयाँ बानेश्वरमा अपराह्न ४ बजे प्रतिनिधिसभा बैठक बस्दैछ । आज पनि संसद अवरोध गर्ने एमालेको तयारी छ ।