काठमाडौं । नेकपा एमालेका सांसद योगेश भट्टराईले सरकारको नीति तथा कार्यक्रमलाई ज्यान भएको तर प्राण नभएको टिप्पणी गरेका छन् ।
शुक्रबार संसद् भवनबाट बाहिरिने क्रममा एमाले सांसद भट्टराईले यस्तो टिप्पणी गरेका हुन् ।
उनले भने “नीति तथा कार्यक्रम ज्यान भएको, जीवन नभएको, प्राण नभएको । यसमा कुनै सपना छैन । जोश छैन । जाँगर छैन ।”
मुलुकले भोगिरहेका समस्या समाधान गर्ने ठोस उपाए र प्रस्ताव नआएको उनको भनाइ छ ।