विराटनगर । नेपाली कांग्रेसकी नेतृ सुजाता कोइरालाले नक्कली भुटानी शरणार्थी प्रकरणमा आफ्नो कुनै किसिमको संलग्नता नरहेको स्पष्ट पारेकी छिन् ।

बुधबार गृहनगर आउने क्रममा विराटनगर विमानस्थलमा पत्रकारहरूसँग कुराकानी गर्दै कोइरालाले यस्तो स्पष्टिकरण दिएकी हुन् ।

उनले भनिन्, “नक्कली भुटानी शरणार्थी प्रकरणमा मेरो कुनै किसिमको संलग्नता छैन । यो निष्पक्ष छानबिन भई दोषीलाई कडाभन्दा कडा कारबाही हुनुपर्छ ।”

कोइरालाको सचिवालयमा काम गरेका मोरङका केशव दुलाल प्रमुख योजनाकारको रूपमा पक्राउ परेका थिए ।