काठमाडौं। प्रतिनिधिसभाको बैठकले भ्रष्टाचार निवारण पहिलो संशोधन विधेयक २०७७ लाई संसदीय विषयगत समितिमा पठाएको छ ।

विधेयकमाथि दफवार छलफलपछि सोमबार बसेको प्रतिनिधिसभाको बैठकले विधेयकलाई सम्बन्धित समितिमा पठाएको हो।

प्रधानमन्त्री पुष्पकमल दाहाल प्रचण्डको तर्फबाट खानेपानीमन्त्री महिन्द्र राय यादवले दफावार छलफलका लागि सम्बन्धित समितिमा पठाइयोस् भन्ने प्रस्ताव प्रस्तुत गरेका थिए ।

जसलाई सभाले सर्वसम्मत रुपमा स्वीकृत गरेको छ। यो विधेयकमा मुख्यतः सार्वजनिक पद धारण गरेको व्यक्तिमाथि निश्चित अवधिभित्र मात्रै मुद्दा चलाउनुपर्ने व्यवस्था छ ।