काभ्रे । वर्षापछि आएको बाढीले अवरुद्ध बिपी राजमार्ग खुलेको छ ।

विपी राजमार्ग अन्तर्गत रोशी गाउँपालिकाको कालढुंगा र चिउरीबासीमा लेदोसहितको बाढीले राजमार्ग अवरुद्ध भएको थियो ।

सडकको लेदो हटाएर सडक खुलेको काभ्रे प्रहरीले जनाएको छ । कालढुंगामा लेदेले चार वटा गाडी पुरेको थियो ।

गाडी लेदोमा पुरिए पनि चालक र यात्री सकुशल रहेका जिल्ला प्रहरी कार्यालय काभ्रेले जनाएको छ ।

चिउरिबासमा सडकसँगै क्षेत्रबहादुर लामाको घर लेदोले पुरिएको छ ।