काठमाडौं । नेकपा एमालेको केन्द्रीय कमिटी बैठक आजबाट समाप्त हुँदैछ ।
गत बिहीबारदेखि सुरु भएको बैठकमा गैर–भौगोलिकसहित ८ प्रदेशका प्रतिनिधिले पेस गरेको प्रतिवेदनमा सामूहिक छलफल भएको थियो ।
बिहीबारको बैठकमा अध्यक्ष केपी शर्मा ओलीले प्रतिवेदन पेश गरेका थिए ।
साथै, सल्लाहकार परिषद् तथा केही आयोगका प्रतिवेदन पनि पेश भएका थिए। त्यसपछि पनि मिसन ग्रासरुटका प्रतिवेदनहरु पेश भएका थिए ।
प्रतिवेदनहरुमा विभिन्न भौगोलिक र गैरभौगोलिक समूह बनाएर छलफल भएको थियो ।
आज बस्ने बैठकले समूहगत छलफल पछिको निष्कर्षका बारेमा महासचिव शङ्कर पोखरेल र अध्यक्ष केपी शर्मा ओलीले जवाफ दिने कार्यक्रम रहेको छ । साथै, समसामयिक प्रस्तावहरु पारित गरिनेछन् ।