काठमाडौं । नेकपा एमालेको स्थायी कमिटी बैठक शनिबार बस्दैछ । शुक्रबार नै बस्ने तय भएको बैठक शनिबारका लागि सारिएको हो ।
बैठक बिहान ८ बजे ललितपुरस्थित एमाले मुख्यालयमा बस्नेछ ।
केन्द्रीय कमिटी बैठकमा ‘मिसन ग्रासरुट’ अभियानको प्रदेश तर्फबाट कार्ययोजना प्रस्तुत भएपछि सोही कार्ययोजनाअनुसार स्थायी कमिटी बैठकमा एकीकृत वार्षिक कार्ययोजना बनाउनेबारे छलफल गर्ने बताइएको छ ।
प्रदेश अध्यक्षहरूको सुझावका आधारमा शनिबार बिहान बस्ने स्थायी कमिटी बैठकले पार्टीको भावी कार्ययोजनाको प्रस्ताव तयार पार्नेछ । सोही प्रस्ताव शनिबार दिउँसो पुनः केन्द्रीय कमिटी बैठकबाट पारित गर्ने एमालेको तयारी छ ।