काठमाडौं । काठमाडौंबाट भैरहवा उडेको यती एयरलाइन्सको विमानमा समस्या देखिएपछि पुन:काठमाडौं फर्काइएको छ ।

भैरहवा विमानस्थलको रनवेमा आकस्मिक अवतरण गरिएको श्री एयरलाइन्सको जहाज रोकिएपछि यतीको जहाज भैरहवा अवतरण गर्न नसकेर काठमाडौं फर्किएको हो।

श्री एयरलाइन्सको जहाज रनवेमा रोकिएपछि केही बेर विमानस्थल बन्द हुँदा यतीको जहाज काठमाडौं डाइभर्ट भएको थियो ।

भैरहवाबाट काठमाडौंका लागि उडेको श्री एयरलाइन्सको जहाज बीच बाटोबाटै भैरहवा फर्किएको थियो।

उडेको १८ मिनेटमै पुन: भैरहवा विमानस्थलमै अवतरण गरिएको थियो। आकाशमा उडिरहेको जहाजमा प्राविधिक समस्या देखिएपछि जहाज भैरहवा फर्काइएको थियो।