झापा । झापामा जंगली हात्तीको आक्रमणमा परी एक वृद्धको मृत्यु भएको छ ।

जिल्लाको बुद्धशान्ति गाउँपालिका–५ खारखोलाका ७० वर्षीय भीमबहादुर भट्टराईलाई हात्तीले कुल्चेर मारेको हो ।

बारीमा पाक्न लागेको मकैबाली खान आएको हात्तीलाई लखेट्ने क्रममा भट्टराईलाई हात्तीले आक्रमण गरेको डिभिजन वन कार्यालय झापाले जनाएको छ ।

जिल्लाको पूर्वी क्षेत्र बाहुनडाँगी हुँदै भारतबाट समेत जङ्गली हात्तीको हुल नेपाल प्रवेश गर्दै आएको छ भने एक दर्जनको सङ्ख्यामा रैथाने हात्ती स्थानीय जङ्गलमा बस्दै आएका छन् ।