काठमाडौं । मेडिसिटी अस्पतालले राष्ट्रिय स्वतन्त्र पार्टीका अध्यक्ष रवि लामिछानेका सवारी चालक(ड्राइभर)को स्वास्थ्य अवस्था चिन्ताजनक रहेको जनाएको छ ।

तीनतले घरको छतबाट खसेर गम्भिर घाइते भएका रवि लामिछानेका चालक दिलबहादुर थापाको स्वास्थ्य अवस्थामा अझै सुधार आउन नसकेको हो ।

सभापति लामिछानेका निजी सवारी चालक थापा गत सोमबार भरतपुरमा रहेको लामिछानेको घरको तीन तलामाथिबाट खसेका थिए ।

चालक थापाको स्वास्थ्य अवस्था अझै चिन्ताजनक रहेको मेडिसिटी अस्पतालले जनाएको छ । थापालाई मंगलबार एयरलिफ्ट गरी काठमाडौं ल्याइएको थियो।

थापाको अहिले मेडिसिटी अस्पतालमा उपचार भइरहेको छ। मेडिसिटी अस्पतालका अनुसार भेन्टिलेटरमा राखेर उपचार भइरहेका थापाको अवस्था चिन्ताजनक छ।