कञ्चनपुर । कञ्चनपुरमा करेन्ट लागेर एक जनाको मृत्यु भएको छ ।

सोमबार शुक्लाफाँटा नगरपालिका –५ स्थित गर्जमनीमा डिसहोमको फाइबर नेट विस्तार गर्ने क्रममा करेन्ट लागेर सिन्धुलीको तीनपाटन गाउँपालिका–४ का २४ वर्षीय सन्तोष कपाडीको मृत्यु भएको हो ।

जिल्ला प्रहरी कार्यालय कञ्चनपुरका अनुसार करेन्ट लागेर घाइते भएर बेहोस भएका उनलाई उपचारका लागि धनगढीको मायामेट्रो अस्पतालमा उपचारका लागि लगिएको थियो ।

तर अस्पतालमा उपचारकै क्रममा उनको मृत्यु भएको प्रहरीले जनाएको छ ।