चितवन । कोरोना संक्रमणका कारण चितवनमा आठ महिनापछि एक जनाको मृत्यु भएको छ ।

कोरोना संक्रमण भएर चितवन मेडिकल कलेजको भरतपुरमा रहेको शिक्षण अस्पतालमा उपचार गराइरहेका भरतपुर महानगरपालिका–१० का ६४ वर्षीय पुरुषको मृत्यु भएको हो ।

चितवन स्वास्थ्य कार्यालयका जनस्वास्थ्य अधिकृत गिताञ्जली ढकालले शनिबार राति उनको मृत्यु भएको जानकारी दिए ।

योसहित चितवनमा कोरोना सक्रमित भएकामध्ये हालसम्म ४५१ जनाको मृत्यु भएको स्वास्थ्य कार्यालयको विवरणमा उल्लेख छ ।