काठमाडौं । राष्ट्रिय स्वतन्त्र पार्टीका सभापति रवि लामिछानेविरुद्धको मुद्दामा सर्वोच्चले कारण देखाउ आदेश जारी गरेको छ ।

बुधबार सर्वोच्चका न्यायाधीश हरिप्रसाद फुयालको इजलासमा राहदानी दुरुपयोगमा मुद्दा नचलाउने महान्यायाधिवक्ता कार्यालयको निर्णयविरुद्ध परेको रिटको सुनुवाइ भएको हो ।

सुनुवाइपछि इजलासले कारण देखाउ आदेश जारी गरेको हो ।

अधिवक्ता युवराज पौडेलले दायर गरेको रिटमा भएको सुनुवाइमा निवेदक पक्षका अधिवक्ताहरूले उक्त प्रकरणमा मुद्दा नचलाउने महान्यायाधिवक्ताको निर्णय खारेज हुनुपर्ने जिकिर गरेका थिए ।

पौडेलले महान्यायाधिवक्ताको निर्णयविरुद्ध अन्तरिम आदेशको माग गरे पनि अदालतले अन्तरिम आदेश भने दिएन ।