रौतहट । रौतहटको ईशनाथ नगरपालिका -६ मा आगलागी हुँदा सुतेकै अवस्थामा जलेर एक बालिकाको मृत्यु भएको छ ।

मंगलबार राति आगलागी हुँदा मोजिबुल रहमानकी छोरी ११ वर्षीया रजिया खातुनको मृत्यु भएको हो ।

प्रहरीका अनुसार बालिकाको जलेको शरीर भेटिएको र आगलागीबाट घरपालुवा जनावर र लाखौँको धनमाल जलेर नष्ट भएको छ ।

आगलागीको कारणबारे आवश्यक अनुसन्धान र क्षतिको विवरण संकलन भइरहेको प्रहरीले जनायो ।