वासिङ्टन । अमेरिकाको मेरिल्याण्डमा बुधबार भएको सडक दुर्घटनामा ६ जनाको मृत्यु भएको छ ।

इन्टरस्टेट हाइवे ६९५ मा भएको दुर्घटनमा कारमा सवार छ जनाको घटनास्थलमा नै मृत्यु भएको आपत्कालीन स्वास्थ्य सेवाका कर्मचारीले बताएका छन् ।

सडकमा मर्मतसम्भार भइरहेका बेला तीव्र गतिमा हुइँकिएको एउटा कार अस्थायी रूपमा खडा गरिएको पर्खाल लडाएर काम भइरहेको स्थानमा आएर पल्टिएको थियो ।

मृतकको सनाखत हुन बाँकी रहेको प्रहरीले जनाएको छ ।