सर्लाही । जङ्गली जनावरबाट बालीनाली जोगाउन थापिएको विद्युतिय पासोमा परेर सर्लाहीको सीमावर्ती क्षेत्रमा एक जनाको मृत्यु भएको छ।

बलरा नगरपालिका–५ कोइरी टोलका ५० वर्षीय रामअक्षय महतो कोइरीको विद्युतीय पासोमा परेर मृत्यु भएको हो ।

महतो राति पिसाब फेर्न छिमेकीको मकैबारी जाने क्रममा बाली जोगाउन थापिएको विद्युतीय पासोमा परेर घटनास्थलमै मृत्यु भएको जिल्ला प्रहरी कार्यालयले जनाएको छ ।

घटनाबारे थप अनुसन्धान भइरहेको प्रहरीदले जनाएको छ ।