Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
शनिवार, जेठ २३ गते २०८३
Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
काठमाडौं । काठमाडौंमा नक्कली मेनपावर कम्पनी खडा गर्ने एकजना पक्राउ परेका छन् ।
मनवानपुरको मनहरी गाउँपालिका वडा नम्बर २ घर भई काठमाडौँ महानगरपालिका वडा नम्बर १४ गाईबाच्छाटोल बस्ने आदेश तामाङ ठगी गरेको आरोपमा पक्राउ परेका हुन् ।
उनले केएचएम रिक्रुइटमेन्ट ग्रुपबाट मलेसिया पठाउने भन्दै ठगी गरेको सूचनामा आधारमा काठमाडौँ उपत्यका अपराध अनुसन्धान कार्यालयको टोली छापा मार्न पुगेको थियो ।
सो क्रममा कीर्तिपुर नगरपालिकामा रहेको सो नक्कली मेनपावरका तामाङलाई पक्राउ गरिएको उपत्यका अपराध अनुसन्धान कार्यालयले जनाएको छ ।
उनले रविन मोक्तानसहित १०० जना भन्दा बढी व्यक्तिहरुलाई आकर्षक तलबमा मलेसिया पठाइदिने भन्दै ठगी गरेको खुलेको छ ।
कार्यालयका प्रवक्ता सोमेन्द्रसिंह राठौरका अनुसार मेनपावरबाट ९० थान पासपोर्ट, नक्कली कम्पनीको छाप, ल्यापटपलगायतका सामग्री बरामद गरिएको छ । उनीमाथि प्रहरीले थप अनुसन्धान थालेको छ ।
© 2026 All right reserved to onlinenepal.com
Design & Developed By
